تہران: ایرانی پاسداران انقلاب نے آبنائے ہرمز میں ایک امریکی ایم کیو ون ڈرون تباہ کرنے اور دوسرے امریکی جاسوس ڈرون کو اپنے کنٹرول میں لے کر بحفاظت زمین پر اتارنے کا دعویٰ کیا ہے۔
پاسداران انقلاب کے مطابق آبنائے ہرمز میں جدید فضائی دفاعی نظام کی مدد سے ایم کیو ون ڈرون کو نشانہ بنایا گیا، جبکہ آبنائے ہرمز کے مغربی حصے میں امریکی جاسوس ڈرون ایم کیو ایم 170 کا کنٹرول حاصل کرلیا گیا۔
ایرانی خبر رساں ادارے تسنیم کے مطابق پاسداران انقلاب کی بحریہ نے بتایا کہ اس کے الیکٹرانک وارفیئر یونٹ نے امریکی ڈرون کا سراغ لگانے کے بعد اس کے رہنمائی اور کنٹرول کے نظام پر قبضہ کیا، جس کے نتیجے میں ڈرون کو بغیر کسی نقصان کے زمین پر اتار لیا گیا۔
تاہم، ان دعوؤں کی آزاد ذرائع سے تصدیق فراہم کردہ معلومات میں موجود نہیں ہے۔
