بھارت اور ویسٹ انڈیز کے درمیان جاری ٹی ٹوئنٹی انٹرنیشنل سیریز میں بیٹرز کی جارحانہ بیٹنگ نے رنز اور چھکوں کے نئے ریکارڈ قائم کر دیے ہیں۔ سیریز کے صرف چار میچز میں دونوں ٹیموں نے مجموعی طور پر 98 چھکے لگائے، جبکہ سیریز کا فیصلہ کن مقابلہ ابھی باقی ہے۔
رپورٹ کے مطابق دونوں ٹیموں نے محض 918 گیندوں پر یہ مجموعی کارکردگی دکھائی، جسے مردوں کی ٹی ٹوئنٹی انٹرنیشنل کرکٹ کی تاریخ میں تیز ترین رنز بنانے والی دوطرفہ سیریز کا ریکارڈ قرار دیا گیا ہے۔
سیریز کے تیسرے میچ میں ویسٹ انڈیز نے بھارت کی جانب سے دیا گیا 249 رنز کا ہدف 18.3 اوورز میں حاصل کر لیا۔ مہمان ٹیم نے 252 رنز بنا کر چھ وکٹوں سے کامیابی حاصل کی۔
اندور میں کھیلے گئے ایک اور مقابلے میں بھارت نے 223 رنز بنائے، تاہم ویسٹ انڈیز کی ٹیم 209 رنز تک محدود رہی۔ اس طرح بھارتی ٹیم نے یہ میچ اپنے نام کیا۔
حیدرآباد میں کھیلے گئے چوتھے میچ میں ویسٹ انڈیز نے کپتان شائے ہوپ کی ناقابلِ شکست سنچری کی بدولت تین وکٹوں کے نقصان پر 247 رنز بنائے۔ جواب میں بھارتی ٹیم 223 رنز پر آؤٹ ہوگئی۔ اس کامیابی کے ساتھ ویسٹ انڈیز نے سیریز دو، دو سے برابر کر دی۔
دونوں ٹیموں کے درمیان سیریز کا پانچواں اور فیصلہ کن میچ آج کھیلا جائے گا، جس میں سیریز کی فاتح ٹیم کا فیصلہ ہوگا۔
