ایران کے خلاف جنگ کے معاشی اثرات پر تشویش کا اظہار کرتے ہوئے اسپین کے وزیراعظم پیڈرو سانچیز نے دعویٰ کیا ہے کہ اس تنازعے کے باعث یورپی شہریوں کو اب تک 100 ارب یورو سے زیادہ کا نقصان ہو چکا ہے۔ ان کے مطابق جنگ کے معاشی اثرات کا سب سے زیادہ بوجھ عام لوگوں کو برداشت کرنا پڑ رہا ہے۔
میڈرڈ سے جاری بیان میں پیڈرو سانچیز نے سماجی رابطے کی ویب سائٹ ایکس پر لکھا کہ ایران کے خلاف جنگ کی قیمت 100 ارب یورو سے تجاوز کر چکی ہے، جبکہ انہوں نے جنگ کی مخالفت کرنے والوں کے مؤقف کو درست قرار دیا۔
ہسپانوی وزیراعظم کا کہنا تھا کہ جنگ کے خلاف آواز اٹھانے والوں کو پہلے ہی خدشہ تھا کہ اس تنازعے کی قیمت بالآخر عام شہریوں کو ادا کرنا پڑے گی۔ انہوں نے کہا کہ ایران جنگ کے معاشی بوجھ کے اثرات عام لوگوں پر زیادہ پڑ رہے ہیں۔
پیڈرو سانچیز کے بیان کے مطابق جنگ کے اخراجات اور اس کے معاشی اثرات یورپی شہریوں کے لیے ایک بڑا بوجھ بن چکے ہیں۔ انہوں نے اپنے مؤقف میں جنگ کی مخالفت اور اس کے عام شہریوں پر پڑنے والے اثرات کو نمایاں کیا۔
