اسلام آباد- قومی اسمبلی کا اجلاس آج شام 5 بجے ہوگا، جس میں نجی میڈیکل کالجز کی فیسوں اور اسلام آباد کے نجی اسپتالوں میں مبینہ زائد چارجز کے معاملے پر وزیرِ صحت کی توجہ دلائی جائے گی۔ قومی اسمبلی کے سرکاری ریکارڈ کے مطابق اجلاس 24 اگست کو شام 5 بجے مقرر ہے۔
اجلاس میں نجی ڈاکٹروں کی جانب سے مبینہ طور پر زائد فیسیں وصول کرنے اور نجی اسپتالوں میں مہنگے لیبارٹری ٹیسٹوں کے معاملے پر بھی توجہ دلاؤ نوٹس کے ذریعے معاملہ اٹھایا جائے گا۔
نجی میڈیکل کالجز کی فیسوں کا معاملہ اس سے قبل قومی اسمبلی کی متعلقہ قائمہ کمیٹی میں بھی زیر بحث آچکا ہے، جہاں فیسوں کے ڈھانچے اور نگرانی سے متعلق امور کا جائزہ لیا گیا تھا۔
