کراچی: پاکستانی اداکارہ رمشا خان نے ساتھی اداکار خوشحال خان کے ساتھ اپنی شادی کی تصدیق کردی ہے، جس کے بعد دونوں کی ازدواجی زندگی سے متعلق جاری قیاس آرائیوں کا خاتمہ ہوگیا۔
رمشا خان نے سوشل میڈیا پر شادی کی تصدیق کرتے ہوئے اپنی نجی زندگی کو نجی رکھنے کی خواہش کا اظہار کیا اور مداحوں سے بھی ذاتی معاملات میں رازداری کا احترام کرنے کی درخواست کی۔
اداکارہ نے بغیر اجازت تصاویر کے سامنے آنے اور سوشل میڈیا پر شیئر کیے جانے پر ناراضی کا اظہار کرتے ہوئے کہا کہ ذاتی تصاویر کو اجازت کے بغیر پھیلانا مناسب عمل نہیں۔
رمشا خان نے مداحوں اور سوشل میڈیا صفحات سے اپیل کی کہ وائرل تصاویر کو حذف کیا جائے اور ان کی پرائیویسی کا خیال رکھا جائے۔ دستیاب رپورٹس کے مطابق رمشا خان اور خوشحال خان نے اپریل 2026 میں مشترکہ طور پر اپنی شادی کا اعلان کیا تھا۔
