کینیڈا کے شہر ایڈمنٹن میں خالصتان ریفرنڈم کے دوران ووٹ ڈالنے والوں کی تعداد 23 ہزار سے تجاوز کرنے کا دعویٰ کیا گیا ہے۔ منتظمین کے مطابق ریفرنڈم میں سکھ برادری کی بڑی تعداد نے شرکت کی اور ووٹوں کی تعداد ان کے ابتدائی اندازوں سے زیادہ رہی۔
تفصیلات کے مطابق ریفرنڈم میں شریک افراد نے اپنی رائے کا اظہار کیا، جبکہ منتظمین کے حوالے سے بتایا گیا کہ ووٹنگ کے عمل کی نگرانی اور شفافیت کا جائزہ لینے کے لیے عالمی مبصرین بھی موجود تھے۔
ریفرنڈم کے دوران شرکا نے بھارتی وزیراعظم نریندر مودی اور بھارتی حکومت کے خلاف نعرے بازی کی۔ اس موقع پر بھارتی پرچم پھاڑے جانے کا واقعہ بھی پیش آیا۔
سکھز فار جسٹس کے رہنما گرپتونت سنگھ پنوں نے شرکا سے آن لائن خطاب کرتے ہوئے انہیں متحد رہنے اور بھارتی پنجاب کی آزادی کے لیے اپنی جدوجہد جاری رکھنے کی اپیل کی۔
ریفرنڈم میں ووٹ ڈالنے والوں کی تعداد اور عالمی مبصرین کی موجودگی سے متعلق تفصیلات منتظمین اور ذرائع کے حوالے سے سامنے آئی ہیں۔
