صبح آنکھ کھلنے کے بعد ایک گلاس پانی پینا ایک سادہ مگر مفید عادت ثابت ہوسکتا ہے، ماہرین کے مطابق رات بھر جسم کو پانی نہ ملنے کے باعث ہلکی پانی کی کمی پیدا ہوسکتی ہے، جسے صبح پانی پینے سے دور کرنے میں مدد ملتی ہے۔
تحقیق کے مطابق رات بھر سونے کے دوران جسم کو پانی کی فراہمی نہیں ہوتی، جس کے باعث بیدار ہونے پر ہلکی پانی کی کمی محسوس ہوسکتی ہے۔
جسم میں پانی کی کمی توانائی میں کمی، تھکن، توجہ مرکوز کرنے میں دشواری اور نظامِ ہاضمہ سے متعلق بعض مسائل کا سبب بن سکتی ہے۔ ایسے میں صبح اٹھنے کے بعد پانی پینا جسم میں پانی کی مناسب مقدار بحال کرنے میں معاون ثابت ہوسکتا ہے۔
ماہرین کے مطابق دن کا آغاز پانی سے کرنا جسم کو دوبارہ متحرک کرنے اور روزمرہ معمولات کیلئے تیار کرنے میں مددگار ہوسکتا ہے۔
