اسلام آباد: بلاول بھٹو زرداری کی شادی سے متعلق ایک نیا دعویٰ سامنے آیا ہے، جس کے مطابق صدر مملکت آصف علی زرداری مبینہ طور پر اپنے بیٹے کے رشتے کے سلسلے میں یورپی ملک لیختن شٹائن گئے ہیں۔
ذرائع کے حوالے سے دعویٰ کیا گیا ہے کہ آصف علی زرداری کے ہمراہ خاندان کے دیگر افراد بھی موجود ہیں اور ان کے دورے کا مقصد بلاول بھٹو زرداری کی شادی سے متعلق معاملات اور تاریخ طے کرنا ہے۔
ذرائع نے یہ بھی دعویٰ کیا کہ ممکنہ دلہن کا تعلق لیختن شٹائن کے دارالحکومت وادوز سے ہے، جبکہ شادی کی تقریب رواں سال کے اختتام تک منعقد ہونے کا امکان ہے۔
لیختن شٹائن مغربی یورپ میں سوئٹزرلینڈ اور آسٹریا کے درمیان واقع ایک چھوٹی خودمختار ریاست ہے، جس کا دارالحکومت وادوز ہے۔
تاہم بلاول بھٹو زرداری کی منگنی یا شادی سے متعلق ان دعوؤں کی آزادانہ طور پر تصدیق نہیں ہوسکی۔
دوسری جانب میئر کراچی اور پیپلزپارٹی کے رہنما مرتضیٰ وہاب پہلے ہی بلاول بھٹو زرداری کی منگنی یا شادی سے متعلق زیرِ گردش خبروں کو مسترد کرچکے ہیں۔ ان کا کہنا تھا کہ بلاول بھٹو زرداری کی شادی سے متعلق خبریں درست نہیں اور ان میں کوئی صداقت نہیں۔
یوں بلاول بھٹو زرداری کی شادی سے متعلق نئے دعوے اور ان کی تردید ایک بار پھر سوشل میڈیا اور سیاسی حلقوں میں موضوعِ بحث بن گئی ہے۔
خبروں میں یہ بھی دعویٰ کیا گیا کہ صدرِ مملکت آصف علی زرداری اپنے اہلخانہ کے ہمراہ تاریخ اور دیگر امور طے کرنے کے لیے یورپ پہنچے ہیں۔
میئر کراچی مرتضیٰ وہاب نے پاکستان پیپلز پارٹی کے چیئرمین بلاول بھٹو زرداری کی منگنی اور رواں سال کے آخر میں شادی کے حوالے سے سوشل میڈیا پر گردش کرنے والی خبروں کی تردید کردی ہے۔
سوشل میڈیا پر زیرِ گردش خبروں میں دعویٰ کیا گیا تھا کہ بلاول بھٹو کی منگنی یورپ کے ایک چھوٹے مگر معروف ملک لیختنشٹائن کے دارالحکومت واڈوز کی ایک ممتاز شخصیت یا آسٹرین شاہی خاندان سے وابستہ خاتون کے ساتھ طے پائی ہے۔
خبروں میں یہ بھی دعویٰ کیا گیا کہ صدرِ مملکت آصف علی زرداری اپنے اہلخانہ کے ہمراہ تاریخ اور دیگر امور طے کرنے کے لیے یورپ پہنچے ہیں۔
تاہم، پیپلز پارٹی کے ترجمان کی جانب سے ان تمام خبروں اور افواہوں کو مکمل طور پر بلا بنیاد قرار دیتے ہوئے مسترد کر دیا گیا ہے۔
میئر کراچی اور بلاول بھٹو زرداری کے ترجمان بیرسٹر مرتضیٰ وہاب نے سماجی رابطے کی ویب سائٹ ’ایکس‘ پر اپنے ایک بیان میں ان خبروں کی تردید کرتے ہوئے کہا کہ چیئرمین بلاول بھٹو زرداری کی منگنی یا شادی سے متعلق گردش کرنے والی خبریں بالکل غلط اور بے بنیاد ہیں۔
بلاول بھٹو زرداری ماضی میں بھی اپنی ذاتی زندگی اور شادی کے حوالے سے صحافیوں کے سوالات کا دلچسپ اور کھلے دل سے جواب دیتے رہے ہیں۔
سال 2024 میں اقوامِ متحدہ کی جنرل اسمبلی کے اجلاس کے دوران جب ایک صحافی نے ان سے شادی کے ارادوں کے بارے میں پوچھا تھا، تو انہوں نے مسکراتے ہوئے کہا تھا کہ یقیناً، میرا شادی کرنے کا پروگرام ہے، تاہم انہوں نے اس کی کوئی حتمی تاریخ نہیں بتائی تھی۔
اس سے قبل 2016 میں ایک گفتگو کے دوران بلاول بھٹو نے کہا تھا کہ جو بھی میری جیون ساتھی بنے گی، اسے پہلے میری بہنوں کے دل جیتنے ہوں گے اور ان کو اعتماد میں لینا ہوگا، اور میری بہنوں کا دل جیتنا کسی بھی لڑکی کے لیے ایک انتہائی مشکل کام ہے۔
فی الحال پیپلز پارٹی کی جانب سے واضح کیا گیا ہے کہ چیئرمین بلاول بھٹو کی شادی کے حوالے سے خبروں میں کوئی حقیقت نہیں ہے اور عوام اور میڈیا کو غیر تصدیق شدہ اطلاعات پر توجہ نہیں دینی چاہیے۔
