اداکارہ امیشا پٹیل نے سماجی رابطے کی ویب سائٹ ’ایکس‘ پر مداحوں کے ساتھ سوال و جواب کا سیشن رکھا اور اس دوران مختلف سوالات کے جوابات دیے۔
اس دوران ایک مداح نے پوچھا کہ آپ کب شادی کرنے کا ارادہ رکھتی ہیں؟
جواب میں اداکارہ نے مسکراتے ہوئے جواب دیا کہ ’شادی کرنے کا کوئی ارادہ نہیں ہے اور میں اپنی زندگی آزادانہ طور پر گزارنے میں بہت خوش ہوں۔‘
اداکارہ نے کہا کہ ’میرے پاس 10 کے قریب لوگ ہیں جن میں قریبی خاندان کے افراد اور دوست شامل ہیں جو مجھ سے پیار کرتے ہیں اور میری حمایت کرتے ہیں۔‘
انہوں نے مزید کہا کہ ’میں یہ برداشت نہیں کرسکتی کہ کوئی شخص زندگی میں داخل ہو اور سب کچھ بدل دے۔‘
امیشا پٹیل کے مداحوں کی جانب سے ان کے مزاحیہ ردعمل اور طرز زندگی کے انتخاب میں اعتماد کو سراہا جارہا ہے جس سے اداکارہ خوش ہیں۔
