تازہ ترین

ملک میں سونا مزید سستا، فی تولہ قیمت 3 لاکھ 98 ہزار 936 روپے ہوگئی

0

کراچی: پاکستان میں سونے کی قیمت میں بڑی کمی ریکارڈ کی گئی ہے، جس کے بعد فی تولہ نرخ 4 لاکھ روپے کی سطح سے نیچے آگئے۔ مقامی صرافہ مارکیٹ میں سونا 10 ہزار روپے سستا ہونے کے بعد فی تولہ 3 لاکھ 98 ہزار 936 روپے کا ہوگیا۔

آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت میں بھی 8 ہزار 573 روپے کی کمی ہوئی، جس کے بعد نئی قیمت 3 لاکھ 42 ہزار 23 روپے ہوگئی۔

دوسری جانب عالمی مارکیٹ میں بھی سونے کی قیمت میں 100 ڈالر فی اونس کی کمی ریکارڈ کی گئی، جس کے بعد عالمی نرخ 3 ہزار 764 ڈالر فی اونس ہوگئے۔

ایسوسی ایشن نے بدھ 18 نومبر کو سونے کے تازہ نرخ جاری کیے، جن کے مطابق مقامی اور عالمی دونوں مارکیٹوں میں قیمتوں میں نمایاں کمی ہوئی ہے۔

سونے کی مقامی قیمتیں عموماً عالمی مارکیٹ میں ہونے والی تبدیلیوں سے متاثر ہوتی ہیں۔ خریداروں اور سرمایہ کاروں کو لین دین سے پہلے مقامی صرافہ مارکیٹ سے تازہ نرخ معلوم کرنے کا مشورہ دیا گیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.