امریکی شہر نیویارک کے علاقے بروکلین میں تین منزلہ عمارت اچانک منہدم ہونے سے 8 افراد ہلاک اور 17 زخمی ہوگئے۔ حادثے کے بعد امدادی ٹیموں نے موقع پر پہنچ کر ملبے میں پھنسے افراد کو نکالنے کے لیے کارروائیاں شروع کردیں۔
یہ حادثہ 2625 بیڈفورڈ ایونیو پر پیش آیا، جہاں قریب واقع خالی اراضی پر تعمیراتی کام کے سلسلے میں کھدائی کی جارہی تھی۔ غیر ملکی ذرائع ابلاغ کے مطابق اسی دوران اچانک تین منزلہ عمارت زمین بوس ہوگئی۔
واقعے کی اطلاع ملتے ہی امدادی کارکن جائے حادثہ پر پہنچ گئے اور ملبے میں پھنسے افراد کی تلاش شروع کردی۔ امدادی ٹیموں نے بعض افراد کو بحفاظت باہر نکالا، جبکہ زخمیوں کو فوری طور پر اسپتال منتقل کردیا گیا۔
حادثے میں 8 افراد کی ہلاکت اور 17 کے زخمی ہونے کی اطلاع ہے۔ واقعے کے بعد امدادی سرگرمیاں جاری رہیں۔
