چیئرمین گوادر پورٹ اتھارٹی نورالحق بلوچ نے میر عبدالغفور کلمتی ٹیچنگ ہسپتال کا دورہ کیا اور ہسپتال کے مختلف شعبوں سمیت طبی سہولیات کا جائزہ لیا۔
انہوں نے ڈائلیسس سینٹر میں دستیاب سہولیات، مشینری اور مریضوں کو درپیش مشکلات کا جائزہ لیتے ہوئے ضروری مشینری اور طبی آلات فوری فراہم کرنے کی ہدایت کی۔
چیئرمین گوادر پورٹ نے ڈائلیسس سینٹر میں زیر علاج مریضوں سے ملاقات اور عیادت بھی کی۔
انہوں نے تھیلیسیمیا سینٹر کے لیے دو ایئر کنڈیشنرز فوری فراہم اور نصب کرنے کی ہدایت کرتے ہوئے کہا کہ ڈائلیسس اور تھیلیسیمیا مراکز میں علاج کا سلسلہ متاثر نہیں ہونا چاہیے۔
انہوں نے دونوں مراکز کی ضروریات کی مکمل فہرست فوری فراہم کرنے کی ہدایت کی اور کہا کہ ہسپتال کی ضروریات اور مسائل کے حل کے لیے متعلقہ حکام سے فوری رابطہ کیا جائے گا۔
نورالحق بلوچ نے کہا کہ عوام کو معیاری اور بروقت طبی سہولیات کی فراہمی کے لیے تمام وسائل بروئے کار لائے جائیں گے۔
